Ai Lemozis, francha terra cortesa,
Mout me sap bon car tals honors vos creis.
Que jois e pretz e deportz e gaiesa,
Cortesia e solatz e domneis
S'en ven a nos! e.l cor estei anc eis
Be.is deu gardar qui a drutz se depeis
Per cals obras deu domna esser quesa:

Dons e servirs e garnirs e larguesa
Noiris amors com fai l'aiga lo peis,
Enseingnamenz e valors e proesa
Armas e cortz, e guerras e torneis.
E qui pros es ni de proessa.s feis,
Mal estara s'aoras non pareis,
Pois na Guiscarda nos es sai tramesa.